Душанбеде ҰҚШҰ Ұжымдық қауіпсіздік кеңесінің сессиясы басталды
Душанбе қаласында ҰҚШҰ Ұжымдық қауіпсіздік кеңесінің сессиясы басталды, деп хабарлайды ҚР Президентінің баспасөз хатшысы Берік Уәли.
Берік Уәли Facebook-тегі парақшасында шараның басталу рәсімінен видео жариялады.
Еске сала кетсек, 15 қыркүйекте ҚР Президенті Қасым-Жомарт Тоқаев Душанбеге барды.
Президент 16-17 қыркүйек күндері өтетін ҰҚШҰ Ұжымдық қауіпсіздік кеңесінің сессиясына және Шанхай ынтымақтастық ұйымына мүше мемлекет басшылары кеңесінің отырысына қатысады.
Қазақстан Президентінің Тәжікстанға жұмыс сапары осы елдің басшысы Эмомали Рахмонмен кездесуден басталды.
Президент Душанбе қаласында өтетін ҰҚШҰ Ұжымдық қауіпсіздік кеңесінің сессиясы мен Шанхай ынтымақтастық ұйымына мүше мемлекеттер басшылары кеңесінің отырысында өзекті жаһандық мәселелерді талқылау аса маңызды екенін айтты.
Вам может быть интересно: «ҚР Президенті Кореяның ұлттық батыры Хон Бом Доның құрметіне орай өткен рәсімге қатысты»
