Нью-Йорк тұрғындары тұрмыстық зорлық-зомбылықты қылмыс деп санайтын заңға қолдау білдірді
Нью-Йоркте Қазақстандағы әйел құқығы мен тұрмыстық зорлық-зомбылықты қылмыс деп санайтын заңды қолдауға арналған митинг өтті.
Нью-Йорктегі Таймс-скверге бүкіл ТМД елдерінің мәселесіне айналған тұрмыстық зорлық-зомбылық тақырыбына бей-жай қарамайтын отандастарымыз, сондай-ақ АҚШ, Ресей, Беларусь, Қырғызстан, Тәжікстан, Түрікменстан және Өзбекстан азаматтарынан 100-ге жуық адам жиналды.
Нью-Йорктегі шараны ұйымдастырушылар – әйелдер құқығын қорғаушы отандастарымыз: Динара Жанпейісова мен Әсел Дарыбаева.
Динара Жанпейісова Нью-Йорктегі митингтің мақсатын айтты. Осылайша, наразылық білдірушілер Қазақстанда тұрмыстық зорлық-зомбылықты қылмыстық жауапқа тарту туралы заңның қабылдануын қолдап, Қазақстан Республикасының Президенті Қасым-Жомарт Тоқаевтан заңға ешқандай өзгеріс енгізбей, қол қоюын сұрайды.
Жиынға қатысушылар тұрмыстық зорлық-зомбылықтан қаза тапқан Салтанат Нүкеноваға қатысты соттың әділ шешімін талап етті.
Бұған қоса, наразылық білдірушілер 30-дан астам әйелдің өліміне қатысты қылмыстық істі қайта қарауды талап етіп отыр.
Дәл қазір Сан-Францискода, Милан, Париж, Барселона және Лондон сияқты Еуропа қалаларында жоғарыда аталған мақсатқа ұқсас митингілер өтуде.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
