Қазақстан мен Еуроодақ жер қойнауын игеру саласында әріптестікті нығайтуға мүдделі

Ардак Тиес освобожден от должности руководителя аппарата МЧС РК

Astana Mining & Metallurgy XIII халықаралық тау-кен металлургия конгресінің аясында ҚР Индустрия және инфрақұрылымдық даму министрі Марат Қарабаев Еуропалық комиссияның вице-президенті Марош Шефчовичпен кездесіп, тараптар сирек кездесетін металдарды өндіріп, өңдеу мен бірлескен инвестициялық жобаларды жүзеге асырудың жолдарын қарастырды.

Қазір Еуропалық одақпен жер қойнауын игеру бағытында өзара тиімді әріптестік жолға қойылған. Аса қажетті минералды-ресурстар саласында екіжақты ынтымақтастықтың кейінгі бағыттары, оның ішінде өзара түсіністік туралы меморандумның бірінші Жол картасын іске асыру қарастырылған. Сондай-ақ күн тәртібінде аса қажетті шикізат пен аккумулятор батареялары саласындағы өзара байланысты арттыру үшін ЕО-ның қаржыландыру тетігін пайдалану жолдары пысықталды.

«Елімізде HMS Bergbau неміс компаниясымен литий кен орындарын игеруге байланысты бірлескен жоба қолға алынды. Бұған қоса, электромобиль мен басқа да озық технологиялардың өндірісіне қажетті сирек кездесетін металдардың (кобальт, никель, литий, қалайы және вольфрам) жаңа түрлерін өндіріп, өңдеу бойынша жобаларды іске асырудың перспективалары бар», – деді Марат Қарабаев.

Фосфор шикізаты бойынша Еуропа нарығының 71%-ын Қазақстан қамтамасыз етіп келетіні белгілі. Тұтастай алғанда, ЕО-қа титан, бериллий, тантал, рений және ванадий жеткізіліп жүр. Қазақстанда тереңдетілген өндіріске көшу үшін дайын өнім шығарумен металл кендерін өңдеу бойынша бірлескен өндірістер құрудың тың мүмкіндіктері қарастырылған.

«Бұл ретте біз «шикізатты технологияға алмастыру» қағидасын ұстанатынымызды атап өткім келеді. Біздің көздеп отырған негізгі мақсатымыз – әлемдік қосылған құн тізбегіне өз үлесімізді қосу», – деді ҚР ИИДМ басшысы

Бұдан бөлек Қазақстанның Еуропа елдерімен қарым-қатынасы ESG (экологиялық, әлеуметтік және корпоративтік басқару) талаптарын ұстанатын инвесторларды тарту қағидаларына негізделген. Сондай-ақ тау-кен қалдықтарын өңдеу бойынша дағдыларды арттырып, өнім сапасын жақсарту бағытында әріптестікті күшейту көзделген.

Стратегиялық әріптестікті қарастыратын Жол картасы 4 бағыт бойынша ынтымақтастықтың нақты шараларын анықтайды. Мысалы, сирек кездестін минералдар мен аккумулятор батареяларының тұрақты құн тізбектерін біріктіру, «жасыл» сутегіне негізделген аккумулятор өндірісін арттыру және жасыл сутегін жеткізу тізбектерінің тұрақтылығын жолға қойып, зерттеулер, инновациялар, дағдылар мен кадрлық әлеуетті нығайту межеленіп отыр.