Қазақстандағы банктердің бір жылдық таза пайдасы 1,5 трлн теңгені құрады

Две фуры столкнулись в Актюбинской области, погиб водитель

Standard & Poor's (S&P) халықаралық рейтингтік агенттігі Қазақстанның 6 банкі мен ірі микроқаржы ұйымының рейтингтерін растады. Бұл туралы  Қаржы нарығын реттеу және дамыту агенттігі хабарлайды.

Standard & Poor's (S&P) халықаралық рейтингтік агенттігі Қазақстанның алты банкі мен ірі микроқаржы ұйымының рейтингтерін растады.

«Өңірде макроэкономикалық және геосаяси тәуекелдердің шиеленісуіне қарамастан, Қазақстанның банк секторы 2022 жылы орнықтылығын көрсетті», - деп атап өтілген S&P Global Ratings хабарламасында.
Тұтастай алғанда, S&P деректері бойынша, экономикалық циклдарда активтердің сапасын неғұрлым саралап басқару кезінде банк жүйесінің тұрақтылығы көрсеткіштерінің жақсарғаны байқалды. Кредиттер бойынша ықтимал шығындарға арналған резервтерді қалыптастыруға арналған шығыстар және Қазақстан банк секторының проблемалық кредиттерінің үлесі 2015-2020 жылдары байқалған деңгейден едәуір төмен болып қалуда және активтер сапасының көрсеткіштері тұрақты болып қалады деп күтілуде.

Қазақстанның банк секторының елдік және салалық тәуекелдерінің бағасы (Banking Industry Country Risk Assessment, BICRA) да «9»-дан «8»-ге жақсартылды және өз қызметін негізінен Қазақстанда жүзеге асыратын банктер рейтингінің базалық деңгейі «b+»-тен «bb-»-ке дейін көтерілді.

Нәтижесінде мына ұйымдардың ұзақ мерзімді және қысқа мерзімді кредиттік рейтингтері расталды:

«Қазақстан Халық банкі» АҚ «BВ+/B» деңгейінде. Болжам — «Тұрақты»;

«Kaspi Bank» АҚ «ВВ/В» деңгейінде. Болжам — «Тұрақты»;

«Банк ЦентрКредит» АҚ «В+/В» деңгейінде. Болжам — «Тұрақты»;

«ForteBank» АҚ «ВВ-/В» деңгейінде. Болжам — «Тұрақты»;

«Нұрбанк» АҚ «В-/В» деңгейінде. Болжам — «Тұрақты»;

«Банк Фридом Финанс Қазақстан» АҚ «В/В» деңгейінде. Болжам — «Тұрақты»;

Сондай-ақ «ОнлайнКазФинанс» микроқаржы ұйымы» ЖШС «В-/В» деңгейінде. Болжам — «Тұрақты».

Агенттіктің мәліметінше, 2022 жылы Қазақстанның банк секторының таза пайдасы 1,5 трлн теңгені (3,2 млрд АҚШ доллары) құрады. Бұл 2021 жылмен салыстырғанда 14%-ға жоғары.