Тараздағы клубтарды өздерінің «күзет қызметін» пайдалануға мәжбүрлеген қылмыстық топ ұсталды
ІІМ ұйымдасқан қылмысқа қарсы күрес департаментінің қызметкерлері Жамбыл облысы ПД жедел қызметкерлерімен бірлесіп, Тараз қаласында қылмыстық топтың әрекетін тоқтатуға бағытталған арнайы операция жүргізді, деп хабарлайды ҚазАқпарат Polisia.kz.
Бұл операцияға «Бүркіт» арнайы мақсаттағы бөлімшесінің сарбаздары да тартылды.
Қаланың барларында, кафелерінде және түнгі клубтарында бұзақылық әрекеттер жасап, бірнеше рет төбелес, жанжал шығарған топ ведомствоның жедел қызметкерлерінің назарына көптен іліккен болатын. Жедел тексеру барысында қала мен облыс аудандарының спортшылары мен бұзақы жастары қатарынан осы топқа қатысушылар анықталды. Олар бірқатар ойын-сауық мекемелеріне күзет қызметі түрінде қылмыстық қорғаушылық ұйымдастырған. Бұл топтың ішінде бұрын бұзақылық және бопсалау жасағаны үшін сотталғандар да бар.
Сонымен қатар бұл топтың атыс қаруы қолданылған қылмыстық қақтығыстарға қатысқаны да анықталды. Ойын-сауық орталықтарының басшылары қылмыстық топтың «күзет қызметін» пайдалануы үшін олар клубтар мен кафелердің клиенттері мен қызметкерлеріне тиісіп, қақтығыстар, төбелестер және жанжалдар ұйымдастырған.
Полицияға қылмыстық топтың 11 қатысушысы жеткізілді. Олардың тұрғылықты жері бойынша жүргізілген тінту іс-шаралары барысында атыс, травматикалық қарулар, суық қару мен басқа да заттай дәлелдемелер тәркіленді. Басты күдіктілер, атап айтқанда қылмыстық топтың ұйымдастырушылары мен жетекшілері уақытша ұстау изоляторына қамалды.
Вам может быть интересно: «Twitter через суд потребовал раскрыть выложившего в сеть исходный код человека»
Подписывайтесь на нашу страницу в Facebook
