Шетелдік жалған банкноттарды өткізген күдікті Швециядан экстрадицияланды

5733

Бас прокуратура халықаралық-құқықтық ынтымақтастықты нығайту бойынша рет-ретімен шаралар қабылдауда.

Бұл бағытта тиісті шарттық базаны құру шеңберін арттырып, шет елдердің құзыретті органдарымен байланыс орнату жүргізілуде.

Көптеген басқа мемлекеттермен қатар ұтымды өзара іс-қимылдың бір мысалы Швеция болып табылады.

Атап айтқанда, экстрадициялау туралы шарттың болмауына қарамастан, Швецияның Әділет министрлігі қарым-қатынас қағидаты негізінде жалған банкноттарды ірі мөлшерде өткізгені үшін іздеуде жүрген азаматша Б.-ны беру туралы Қазақстанның Бас прокуратурасының өтінішін қанағаттандырды.

Ол 2019 жылғы желтоқсан мен 2020 жылғы қаңтар аралығында Қазақстан банктерінің бірінің қызметкерлерінің көмегімен жалған еуро банкноттарын заңсыз айырбастағаны үшін күдіктеледі.

Қылмыс жасағаннан кейін Б., қазақстандық құқық қорғау органдарынан жасырынып, халықаралық іздеуге жарияланған.

Оның серіктестері әртүрлі мерзімге бас бостандығынан айыру жазаларына кесілген.

Бүгін Бас прокуратура мен Қаржылық мониторинг агенттігінің қызметкерлері Сыртқы істер министрлігінің көмегімен күдікті Б.-ны қылмыстық жауаптылыққа тарту үшін Қазақстанға экстрадициялады.

Қазіргі уақытта ол ҚАЖ Астана қаласы бойынша Департаментінің тергеу изоляторына қамалды.

Жоғарыда аталған қылмысты жасағандар 5 жылдан 10 жылға дейін бас бостандығынан айырылуы мүмкін.

   Если вы обнаружили ошибку или опечатку, выделите фрагмент текста с ошибкой и нажмите CTRL+Enter

Орфографическая ошибка в тексте:

Отмена Отправить