Мәулен Әшімбаев Ватиканның Апостолдық нунциімен кездесті
ҚР Парламенті Сенатының төрағасы Мәулен Әшімбаев Қазақстандағы қызметі аяқталып жатқан Ватиканның Апостолдық нунциі архиепископ Фрэнсис Ассизи Чулликатпен кездесті.
«Кездесу барысында тараптар биылғы қыркүйекте Астанада өткен Әлемдік және дәстүрлі діндер көшбасшыларының VII съезінің қорытындыларын, сондай-ақ Рим Папасы Францисктің Қазақстанға апостолдық сапарының нәтижелерін талқылады. Мәулен Әшімбаев понтификтің Съезге қатысуының маңызы жоғары екенін айтты. Сонымен қатар ол Қазақстан алдағы уақытта да жаһандық дінаралық және өркениетаралық диалогты ілгерілету жолында белсенділік танытуға ниетті екенін атап өтті», - делінген Сенаттың баспасөз қызметіне ұсынған хабарламада.
Одан бөлек, сұхбаттасушылар Қазақстан мен Ватикан арасындағы ынтымақтастықты одан әрі дамыту перспективаларын талқылады. Сондай-ақ олар екіжақты және көпжақты бағытта бірлесіп жұмыс істеуге дайын екендерін жеткізді.
Вам может быть интересно: «Қаңтар-қазан айларында Қазақстан экономикасының өсу қарқыны 2,5%-ды құрады»
Подписывайтесь на наш канал в Telegram
