ҚТЖ-ға 900 млн теңге көлемінде шығын келтірген ЖШС ісі тергелуде
ҚТЖ мен елордалық экономикалық тергеу департаменті бірлесіп заңсыз әрекеттердің жолын кесті.
«Жолаушылар тасымалы» АҚ өтініші бойынша елордалық Экономикалық тергеу департаментінің сотқа дейінгі тергеп-тексерулердің бірыңғай тізілімінде «Ас-Ай» ЖШС басшылығына қатысты алаяқтық жолымен ақша қаражатын ұрлау фактісі бойынша қылмыстық іс тіркелген.
Аталған ЖШС 2015-2018 жылдар аралығында ЖШС тарапынан төсек-орын жабдықтарымен жабдықтау бойынша нақты көрсетілмеген қызметтер үшін келтірілген шығын (жоғалған пайда) туралы жалған құжаттарды ұсына отырып, сот шешімі арқылы «Жолаушылар тасымалы» АҚ-дан шамамен 900 млн. теңге мөлшерінде бюджет қаражатын өндіріп алған.
«Ас-Ай» ЖШС тарапынан заңсыз іс-қимылдар нәтижесінде Ұлттық тасымалдаушыға ірі шығын келтірілді.
ҚТЖ тарапынан атқарылған жұмыс қорытындысы бойынша сот шешімдерінің бір бөлігі жойылды. Қалған сот шешімдеріне шағымдану жұмыстары жалғасуда. ЖШС-нің 2018-2020 жылдардағы Ұлттық тасымалдаушыға қатысты соңғы талаптары қанағаттандырусыз қалдырылды.
Құқық қорғау органдарымен бірлесіп ЖШС басшысын бюджет қаражатын ұрлағаны үшін қылмыстық жауапкершілікке тарту бойынша жұмыс жүргізілуде.
Вам может быть интересно: «Қаңтар-қазан айларында Қазақстан экономикасының өсу қарқыны 2,5%-ды құрады»
