1 қарашадан бастап «Астана-Павлодар» бағытында тікелей әуе рейстері қатынай бастайды. Бұл туралы Индустрия және инфрақұрылымдық даму министрлігінен мәлім етті.
«Мемлекет басшысының Павлодар облысына жұмыс сапарының қорытындысы бойынша «Астана-Павлодар» бағытында тікелей әуе рейстерін ашу тапсырылған болатын. Осыған орай ҚР Индустрия және инфрақұрылымдық даму министрлігінің Азаматтық авиация комитеті тиісті жұмыстарды жүргізді.
Нәтижесінде биылғы жылдың 1 қарашасынан бастап «Qazaq Air» авиакомпаниясы аптасына 4 рет жиілікпен әлеуметтік маңызы бар «Астана-Павлодар» авиамаршрутын орындай бастайды», - делінген хабарламада.
Аталған бағыттағы билет бағасы – 10 мың теңге. Билеттерді сату бүгінгі күннің соңына дейін басталады.
Вам может быть интересно: «2021 жылы жұмыс күші 2 есеге артты — Дүйсенова»