Президент Семейдегі ескеркіш туралы: Бұл – ұстаз бен шәкірт, аға мен іні арасындағы рухани бірліктің символы

3765

 Мемлекет басшысы Семейдегі Мұхтар Әуезов пен Қайым Мұхамедхановқа арналған ескерткіштің ашылу рәсімінде сөз сөйледі, деп хабарлайды Ақорда

«Бұл – ұстаз бен шәкірт, аға мен іні арасындағы рухани бірліктің символы. Шын мәнінде, қос алыпты бөле-жарып қарау мүмкін емес. Олар Абай мұрасын зерттеп, дәріптеуге өлшеусіз еңбек сіңірді. Төл әдебиетімізді жаңа белеске көтерді. Мұхтар Әуезов Абайды, Абай арқылы қазақты бүкіл әлемге танытты. Ұлы ойшылдың көркем бейнесін сомдап, оның асыл мұрасын адамзаттың ортақ қазынасына қосты. Жазушының әр туындысы жұртымыздың жүрегінен өшпес орын алды. Мұхтар Әуезов – әлем әдебиетінің шыңына көтерілген қаламгер. Ал Қайым Мұхамедханов – ұлы жазушының жақын серігі әрі шәкірті. Ол бүкіл ғұмырын Абайтану, Шәкәрімтану және Алаштану ғылымына арнады. Қуғын-сүргінге ұшыраса да, тағдырдың сынағына қарсы тұрып, еліне адал қызмет етті», - деді ҚР президенті.


Еске салсақ, бүгін президент Семейде Мұхтар Әуезов пен Қайым Мұхамедхановқа арналған ескерткішті ашты.

Мемлекет басшысы жұмыс сапарымен Абай облысында жүр.

   Если вы обнаружили ошибку или опечатку, выделите фрагмент текста с ошибкой и нажмите CTRL+Enter

Орфографическая ошибка в тексте:

Отмена Отправить