Қарағандыда жас кәсіпкерлерге қала әкімінің гранттары табысталды

Қарағандыда 10 жас кәсіпкер қала әкімінің 1,5 млн теңгеден грантына ие болды. Бұл қаражат стартаптарға да, қолданыстағы бизнесті дамытуға да жұмсалады.

Облыс орталығында гранттар беруге арналған конкурс алғаш рет өткізілді. Қарағанды қаласының Жастар ресурстық орталығының ақпараты бойынша, 110 өтінім келіп түсті. Он жеңімпазды құрамына мемлекеттік органдардың, бизнес-қоғамдастықтың өкілдері, депутаттар мен қоғам белсенділері енген комиссия анықтады.

Мысалы, грантты AVISHU маркасымен киім өндірісін құрған кәсіпкер Виктория Пак алды. Шағын кәсіпорын осы жазғы маусымда бүкіл облыс бойынша "Жасыл ел" жастар еңбек жасақтарының жауынгерлерін бірыңғай формамен қамтамасыз етті. Жергілікті өнімдердің жаңа желісі заманауи спорттық киім болады.

Жас кәсіпкерлер грант қаражатын фитнес-клуб, тандыр, ұлттық өнер мектебін, екінші цифрлық технологиялар орталығын ашуға, подологиялық орталықты кеңейтуге, геодезиялық қызметтерге және т. б. салуға ниетті.

Болашақ биология ғылымдарының докторы Арайлым Серікбай өз жобасын вермикультурамен байланыстырды. Ол органикалық қалдықтардан ең құнды тыңайтқыш – биогумус алу үшін модельдік учаске құрғысы келеді.

– Сонымен қатар, барлық ниет білдірушілер үшін вермикультура бойынша курстар мен семинарлар ұйымдастырғым келеді. Бұл технологияны саяжайларда, бақшаларда, мектеп алаңдарында және т.б. қолдануға болады. Грантқа қажетті жабдықтар сатып алынады, қаражаттың бір бөлігі полиграфиялық өнімдерді шығаруға жұмсалады, – дейді грант иегері.

Қарағанды облысында жастар кәсіпкерлігін қолдау артты. Әкімдердің гранттары қалалар мен аудандарда бөлінген. Қыркүйек айында облыс әкімінің грантына өтінімдер қабылдау басталады. Биыл оның мөлшері екі есеге өсіп, 2 млн теңгені құрайды. Байқау қорытындысы бойынша 100 жеңімпаз анықталады.

: Если вы обнаружили ошибку или опечатку, выделите фрагмент текста с ошибкой и нажмите CTRL+Enter
2540 просмотров
Поделиться этой публикацией в соцсетях:

Орфографическая ошибка в тексте:

Отмена Отправить