Өнеркәсіптерге мемлекеттік ынталандыру шараларын ұсыну шарттары мен тетіктері түсіндірілді
QazIndustry өкілдері Алматы қаласы мен Алматы облысының бизнес қауымдастығымен кездесті. Кездесуге қатысушылар мемлекеттік ынталандыру шаралары мен Қазақстанның өнеркәсіптік саясатының жаңа бағыттарын талқылады. Сондай-ақ, еңбек өнімділігін арттыруға бағытталған шығындардың бір бөлігін өтеуді алу тәртібі қаралды.
Семинар жұмысына Қолдау құралдарын дамыту және мониторингілеу орталығы директорының орынбасары Гүлнар Сәукенова, Алматы қаласы Кәсіпкерлік және инвестициялар басқармасының, сондай-ақ Алматы қаласы мен Алматы облысының өнеркәсіптік кәсіпорындарының өкілдері қатысты. Іс-шара барысында өнеркәсіпті мемлекеттік ынталандыру шараларын ұсыну шарттары мен тетіктері түсіндірілді.
Сондай-ақ, семинар аясында QazIndustry өкілі бірқатар кәсіпорындарға барып, олардың өндірісімен танысты. Олардың қатарында "Интер Мульти Сервис" ЖШС, "Казферросталь" ЖШС, "№ 405 авиажөндеу зауыты" АҚ, "Viva Pharm" ЖШС, "Kazpolisnab" ЖШС, "КМК Investment" ЖШС, "Nobel" ЖШС болды.
Вам может быть интересно: «Қазақстан америкалық компаниямен дауда жеңіске жетті»
