Қазақстан және Индонезия арасындағы сауда-экономикалық ынтымақтастық талқыланды
Қазақстан Елшісі Данияр Сарекенов Экономикалық ынтымақтастық жөніндегі қазақстандық-индонезиялық үкіметаралық комиссиясының тең төрағасы Индонезияның Экономика істері жөніндегі үйлестіруші министрі Аэрланга Хартартомен кездесті.
Тараптар екі ел арасындағы сауда-экономикалық ынтымақтастықтың қазіргі жағдайы мен болашағын, экономиканың маңызды салаларындағы өзара әрекеттестіктің басым бағыттарын, сондай-ақ екіжақты тауар айналымының одан әрі өсуі бойынша шараларды талқылады.
Елші мемлекетіміздің қолайлы іскерлік және инвестициялық ортасы, транзиттік-көліктік әлеуеті туралы ақпарат ұсынып, индонезиялық компанияларды Қазақстандағы инвестициялық жобаларды іске асыру үшін белсенді қатысуға шақырды.
А. Хартарто КОВИД-19 пандемиясынан кейінгі кезеңде екі ел арасындағы сауда-экономикалық әрекеттестікті арттыру қажеттілігіне сенім білдірді.
Вам может быть интересно: «ҚР Президенті Кореяның ұлттық батыры Хон Бом Доның құрметіне орай өткен рәсімге қатысты»
