Роман Скляр неміс компанияларының басшыларымен онлайн-кездесу өткізді

Қазақстан Республикасы Премьер-Министрінің орынбасары Роман Скляр жетекші неміс компанияларының басшыларымен кездесу өткізді, деп хабарлайды Үкіметтің баспасөз қызметі.

Онлайн-кездесудің тақырыбы мамандарды дайындау мен олардың біліктілігін арттыру, кәсіптік оқыту саласындағы неміс университеттерімен және жоғары технологиялық компаниялармен бірлескен жобаларды жүзеге асыру болды.

Кездесуге «Knauf International GmbH», «Henkel AG & Co. KGaA», «Kuehne+Nagel (LLC)», «RRL Rail & Road Logistics GmbH», «Fichtner GmbH & Co. KG», «Festo Didactic SE», «Herrenknecht AG», «Infineon Technologies AG» сияқты 30-дан астам неміс жетекші компаниялары, сонымен қатар білім беру, оқыту және қайта даярлау ұйымдарының басшылары қатысты.

Роман Скляр өз сөзінде Қазақстан мен Германияның кәсіптік оқыту мен біліктілікті арттыру саласындағы ынтымақтастық тәжірибесі бар екенін және көптеген неміс компаниялары қазақстандық экономикаға жұмысшылар даярлауда қолдау көрсететінін атап өтті.

Олардың арасында Knauf, Heidelberg Cement, WILO бар. Кейбір кәсіпорындарда мамандарды дайындайтын оқу орталықтары бар. Тараптар осы бағыттағы ынтымақтастықты нығайтуға келісті, бұл қазақстандық жас мамандарға кәсіби мамандармен өзара әрекеттесу, тәжірибесін алуға және болашақ мансаптың негізін қалауға мүмкіндік береді. Қазақстандық тараптан кездесуге компаниялар мен мүдделі мемлекеттік органдардың басшылары да қатысты.

 

: Если вы обнаружили ошибку или опечатку, выделите фрагмент текста с ошибкой и нажмите CTRL+Enter
690 просмотров
Поделиться этой публикацией в соцсетях:

Орфографическая ошибка в тексте:

Отмена Отправить
Жалын Кабыкен: попасть в NASA и сотрудничать с Министерством культуры Италии Смотреть на Youtube