Елордада Тайбурыл мен Үшқоңыр көшелерінде жол жөнделеді
Нұр-Сұлтан қаласының Көлік және жол-көлік инфрақұрылымын дамыту басқармасы Жол қозғалысы қауіпсіздігін қамтамасыз ету үшін ПД әкімшілік полиция басқармасының келісімімен Тайбурыл мен Үшқоңыр көшелеріндегі жол төсемін орташа жөндеу жұмыстарын бастайды, деп хабарлайды елорда әкімдігінің ресми сайты.
Жөндеу жұмыстарына байланысты осы жылдың 25 қыркүйегінен бастап 27 қыркүйегіне дейін Игілік көшесінен Өндіріс көшесіне дейінгі аралықта көлік қозғалысы толығымен жабылатын болады.
«Қала жолдарында кептеліс тудырмас үшін елорда тұрғындары мен қонақтары қозғалыс бағытын алдын ала жоспарлауы қажет.
Келтірілген қолайсыздықтар үшін кешірім өтінеміз және жөндеу жұмыстарының жүргізілуіне түсіністікпен қарауды сұраймыз», - делінген басқарма хабарламасында.
Вам может быть интересно: «ҚР Президенті Кореяның ұлттық батыры Хон Бом Доның құрметіне орай өткен рәсімге қатысты»
